Wag!

Wag

Wag kang lalapit

Wag kang titingin

Hindi ko kakayanin

Baka dala mo ay sakit

May takot na ako

Sa mga kagaya mo

Matamis ang ngiti

Nangungusap ang mga mata’t labi

Wag mo akong kausapin

Hindi kita kilala

Madali akong madala

Wag mo akong tuksuhin

Tatabi ka pa talaga

At kakausapin ako

Magpapakilala

Mapapakwento ako

Pilit kong inaalis

Ang mata ko sa iyong mukha

Ang isip ko nasaan na?

Sa iba na lang please

Masasaktan ka lang

Mahilig akong maglaro

Susuyuin kita hanggang

Mapasagot kita ng oo

Iiwan din kita

O iiwan mo rin ako

Masasaktan kita

O masasaktan mo ako

Yayayain kitang magkape

Maghuhuntahan tayo

Hanggang maging araw ang gabi

Magkasama tayo

Magkakapalagayan tayo ng loob

Mahuhulog ka sa akin

Tapos bigla na lang tataob

Sa takot ko, bigla ka na lang lilisanin

Hindi ako duwag

Hindi ito ang una

Puso natin ay tumitibok na

Wag!

- 17 March 2017